Arbeiten im Alex8hoch2
Ais vu üsna Bienli het in Thurgau d Liebi gfunda – drum wird bi üs im Bündnerland as Plätzli frei 🐝
Miar suachand di – d Heldin oder dr Held vom Praxisalltag
MPA, Pflegefachfrau HF/FH oder Fachfrau Gsundheit EFZ
Für üsri lebhafti Kinderarztpraxis in Thusis & Chur (80–100%)
Üsi Kinderarztpraxis isch modern, bunt und guet organisiert –
und öpa summts wi imana Bienahuus.
Zwüscha Pflaschter, Tapferkeits-Träna und Superhelda-Gschichta suachend miar di:
A Person mit Humor, Herz und amana kluga Köpfli, wo gära mit Chinder schafft.
Dina Alltag bi üs
- Chinder trösta, Eltera beruhiga und au in hektischa Moment dr Überblick bhalta
• Assischtenz bi Untersuachiga (kai Sorg – d Chind bissend sälta)
• Telefon, Terminplanung und Administration
• Mitdenka, mitlacha und aktiv zum Team biträga
Das söttisch du mitbringa
- Abgschlosseni Usbildig als MPA, Pflegefachfrau oder Fachfrau Gsundheit
• Freud am Umgang mit Chind (au mit da quirliga )
• Geduld, Humor und as fründlichs Ufträta
• Teamgeist und Verantwortigsbewusstsii
• Erfahrig in dr Pädiatrie isch as Plus, aber kai Muss
Was miar diar bütend
- A abwechslungsriiche Job, wo kai Tag glich isch
• As herzlichs, humorvolls und guat iigspielts Team
• Moderni, guat organisierti Praxis in Thusis & Chur
• Fairi Arbeitsbedingiga und flexibli Arbeitsmodel
• Kai Nacht- oder Wuchaenddianscht
• Guati Planbarkeit vom Alltag
• Unterstützig bi Weiterbildiga
• Und natürlich: ganz viel liabi Kinderzeichniga
Miar legend Wärt uf a qualitativ hochstehendi medizinischi Betreuig
und an liabevolle Umgang mit üsna chlina Patienta.
Interessa?
Denn freuand miar üs, di kennazlerna!
Denn meldi di bi üs: 081 286 07 07
Asprechsperson: Frau K. Benesch