Arbeiten im Alex8hoch2
Pfiffigi PraxisassistentIn, Pflegefachfrau oder Pflegefachmaa (m/w/d) gsuacht!
(60-100%)
Für üsi fröhlichi Kinderarztpraxis dsmits in dr Bündner Bergwelt!
Du chasch mit Rotznasä, Plüschtier und Wundpflaster souverän umgoh? Und lachsch liaber mit als über d’Chind? Denn los guat zua!
✨ Was miar bütand:
A Arbeitsplatz in Chur oder Thusis mit Ussicht – inklusiv Gletscher, Gams und Guetzli
Ä herzlichs Team, wo mit Liabi, Humor und Teamgeist schafft
Viil Abwechslig – vo Baby-Gekicher bis zu Piratapflästarli
Faire Arbeitsbedingiga, guati Stimming & 6 Wucha Feria (jo, richtig gläsa SECHS!)
Kaffee, wo wach macht – und Bergluft, wo glücklich macht
🔍 Was du mitbringsch:
Abgschlossni Usbildig als MPA, Pflegefachfrau oder Pflegefachmaa
Sorgfalt, Geduld und an liabevolla Umgang mit Chind und Eltara
Humor, Flexibilität und evtl. an Plüschhund im Rucksack
Wenn möglich: Bündnerdütsch oder mindestens Sympathie drfür 😄
🎁 Und no das:
Bi üs schaffsch det, wo andari Feria machand
D’Chind bringand nid nu Fiaber, sondern au Herz und Glitzer mit
Miar freuand üs scho mega, di kennazlärna!
📬 Neugierig wordä? Denn schick üs dini Unterlaga – und wenn du wetsch, chumm grad für en Kafi und en Schwatz vorbei.
Kontakt:
Alex8hoch2 GmbH
Alexanderstrasse 8, 7000 Chur
Neudorfstrasse 58, 7430 Thusis
Tel.: 081 286 07 07 (Chur) oder 081 651 30 32 (Thusis) /
Mail: admin@alex8hoch2.ch
www.alex8hoch2.ch – für da erst Blick in üsi Bergwelt
Ansprechperson Kathrin Benesch